MDGs in Ndebele
Iminqopho yokuThuthukiswa yeMillennium
(Millennium Development Goals)
Afrikaans | Ndebele | Sepedi | Sotho | Swati | Tsonga | Tswana | Venda | Xhosa | Zulu
Isibopho se-United Nations Millennium, esatlikitlwa ngoSeptemba ngonyaka ka-2000, sibophelela umbuso ukobana:
- Uphungule umtlhago omkhulu nendlala
- Kwehliswe ngesiquntu sabantu abahlala ngaphasi kwedola yinye ye-U.S ngelanga
- Kwehliswe ngesiquntu sabantu abalambako
- Kungezwe inani lokudla kilabo abalambako
- Kuzuzwe ifundo ephakathi zombelele
- Ukuqinisekisa bona boke abesana nabantazana baqeda ikhosi ezeleko yamabanga aphasi esikolweni.
- Ukutlolisa okungezeleleko kufanele kukhambisane nemizamo ukuqinisekisa bona boke abantwana bahlala esikolweni begodu bathola ifundo ephezulu
- Ukuthuthukisa ukulingana ngobulili nokunikela abomma amandla
- Ukuphungula ukungalingani ngobulili ngokwefundo ephakathi neyemasekhondari okungasenani ngomnyaka ka-2005, begodu kiwo woke amazinga ngomnyaka ka-2015.
- Ukwehlisa ukuhlongakala kwabantwana
- Ukwehlisa inani lokuhlongakala hlangana nabantwana abaneminyaka emihlanu ngokuthathu okukabili.
- Ukwenza ngcono ipilo yabomma
- Kwehliswe iretjhiyo yokuhlongakala kwabomma ngamakwata amathathu.
- Ukulwa ne-HIV/AIDS, imalariya, namanye amalwele
- Ukujamisa nokuthoma ukutjhugulula ukurhatjheka kwe-HIV/AIDS.
- Ukujamisa nokuthoma ukutjhugulula ukuvama kwemalariya namanye amalwele amakhulu.
- Ukuqinisekisa ibhoduluko elihle
- Ukuhlanganisa imigomo yokuthuthuka okuhle okungakghoneka emigomeni yenarha namahlelo; ukutjhugulula ukulahlekelwa kwemithombo yezebhoduluko.
- Ukwehlisa ngesiquntu ingcenye yabantu abangakghoniko ukufikelela ekutheni bathole amanzi aphephileko wokusela (nawufuna ilwazi elaneleko qala indawo yokungena ekukhanjisweni kwamanzi)
- Ukuzuza ukuba ngcono khulu emaphilweni okungasenani weengidi ezili-100 zeendawo ezimbi ezihlala abantu abatlhagako, ngomnyaka ka2020.
- Ukwakha itjhebiswano elimayelana nokuthuthukisa ephasini loke
- Ukuthuthukisa godu irhwebo elivulekileko nekambiso yemali elawulwa mithetho, ekghona ukubonwa zisuka phasi begodu nenganabandlululo. Kufaka hlangana ukuzibophelela ekuphatheni okuhle, ukuthuthukisa nokwehlisa umtlhago-elizweni loke neenarheni mazombe.
- Ukutjheja iindingo ezikhethekileko zeenarha ezinganikelwa itjhejo kuhle. Lokhu kufaka hlangana imali ebhadalwako nokungenelela simahla mayelana nepahla ethunyelwa eenarheni zangaphandle, ukwenza ngcono ukudamba kwesikolodo mayelana neenarha ezitlhagako ezineenkolodo ezinengi; ukusulwa kwesikolodo esimahlangothi mabili esisemthethweni; begodu nokuba nomusa ngokomthetho ekuthuthukiseni isizo kilezoonarha ezizibophelela ekwehliseni umtlhago.
- Ukutjheja iindingo ezikhethekileko zendawo ezonjwe yinarha neendawo ezincani ezisihlengele ezisathuthukako ekubeni ziinarha.
- Ukuqalana khudlwana neenkolodo zeenarha ezisathuthukako ngokwamagadango welizwe loke neenarha zombelele ukwenza bona iinkolodo zibe ngcono esikhathini esizako.
- Ukuba netjhebiswano neenarha ezisathuthukako, ukwakha imisebenzi eqalekako kanye nenemikhiqizo emihle kwenzelwe abantu abatjha.
- Ngokubambisana namakhamphani weenhlahla, kwenziwe ukuthi kughone ukutholakala kweenhlahla ezifunekako ezithengekako emazweni asathuthukako.
