MDGs in Swati


Tinhloso tekutfutfukisa tenkhulungwane yemnyaka

(Millennium Development Goals)

Afrikaans | Ndebele | Sepedi | Sotho | Swati | Tsonga | Tswana | Venda | Xhosa | Zulu

Sivumelwane samhlabuhlangene tenkhulungwane yemnyaka, lesasayinwa ngeNyoni 2000, sibophetela imibuso kwenta loku:

  1. Kucedza buphuya lobungenelele kanye nendlala
    • Kunciphisa ngesigamu linani lebantfu labaphila ngemali lengephasi kwelidola linye laseMelika ngelusuku.
    • Kunciphisa ngesigamu linani lebantfu labakhungetfwe yindlala.
    • Kwandzisa linani lekudla kulabo labakhungetfwe yindlala.
  2. Kutfola imfundvo lesisekelo letfolwa ngiwo wonkhe
    • Kucinisekisa kutsi bafana temantfombatane bacedzela ngalokucwebe tifundvo tabo temabanga laphansi.
    • Linani lelandzile lalababhalisako kumele lihambisane nemitamo yekucinisekisa kutsi bonkhe bantfwana bahlala basesikolweni futsi batfola imfundvo yelizinga lelisetulu.
  3. Kutfutfukisa kulingana ngekwebulili kanye nekuhlomisa labasikati
    • Kucedza kungalingani ngekwebulili emfundvweni yemabanga laphansi nalasetulu nga 2005, nakuwo onkhe emazinga nga 2015.
  4. Kunciphisa kufa kwebantfwana ngebunyenti
    • Kunciphisa lizinga lekufa ngebunyenti kwebantfwana labangephasi kweminyaka lesihlanu ngetincenye letintsatfu.
  5. Kwenta ncono imphilo kulababelekako
    • Kunciphisa lizinga lekufa kwebantfwana ngebunyenti ngetincenye letintsatfu.
  6. Kulwa NESANDVULELA NGCULAZI/NENGCULAZI, malaleveva naletinye tifo
    • Kumisa kanye nekucala kuphendvula kusatjalaliswa kweSANDVULELA NGCULAZI/NENGCULAZI.
    • Kumisa kanye nekucala kuphendvula kusatjalaliswa kwetigameko tamalaleveva naletinye tifo letinkhulu.
  7. Kucinisekisa kusimama kutemvelo
    • Kuhlanganisa imigomo yentfutfuko lesimeme ibe yimitsetfomgomo kanye netinhlelo telive; kuphendvulwe kulahlekelwa tinsita tetemvelo.
    • Kunciphisa ngesigamu linani lebantfu labangakwati kufinyelela emantini ekunatsa lahlobile (kute utfole lwati lolwengetiwe buka singeniso seluphakelomanti).
    • Kuphumelela ekwenteni ncono timphilo tebantfu lokungenani labatigidzi letingu 100 labahlala etindzaweni letingakalungi nga 2020.
  8. Kusungula budlelwane nemave emhlaba kute kube nentfutfuko
    • Kusungula luhwebo loluvulekile kanye neluhlelo lwetimali lolumiselwe umtsetfo, lolunekubiketela nalolungabandlululi. Kufaka ekhatsi kutibophetela ekuphatseni kahle, intfutfuko nekuncishiswa kwebuphuya – kuvelonkhe nasemhlabeni wonkhe.
    • Kubukana netidzingo letisipesheli temave latfutfuke kancane. Loku kufaka ekhatsi linani lelinganamkhawulo lemphahla letfunyelwa kulamanye emave; kugcugcutela kuphungulwa kwetikweleti temave lakhungetfwe kakhulu buphuya; kusulwa kwetikweleti letisemtsetfweni lokuvunyelenwe ngato; kanye nekufaka sandla ekusiteni ngentfutfuko kumave latibophetele ekucedzeni buphuya.
    • Kubukana netidzingo letisipesheli temibuso lenentfutfuko etiyingini letihacwe ngulamanye emave kanye naletincane.
    • Kubukana ngalokucwebe netinkinga tetikweleti temave lasatfutfuka kusetjentiswa tindlela tavelonkhe netemhlaba wonkhe kute kusimamiswe tikweleti esikhatsini lesidze lesitako.
    • Kusungula umsebenti lomuhle nalonetitselo welusha, ngekubambisana nemave lasatfutfuka.
    • Kwenta kube khona kufinyeleleka kumitsi lengabiti kakhulu nalesidzingo emaveni lasatfutfuka, ngekubambisana netimboni tetemitsi yekwelapha.

Top