MDGs in Zulu

Millennium Development Goals

Afrikaans | Ndebele | Sepedi | Sotho | Swati | Tsonga | Tswana | Venda | Xhosa | Zulu

IsiMemezelo seNhlangano yeziZwe se-Millenium, esasayinwa ngo-Septhemba 2000, sibophezela izizwe:

  1. Ukuqeda ubuphofu obukhulu kanye nendlala enkulu
    • Zizokwehlisa ngesigamu inani labantu abaphila ngemali engaphansi kweDola laseMelika ngosuku.
    • Zizokwehlisa ngesigamu inani labantu abaphethwe yindlala.
    • Zizokhuphula umthamo wokudla kulabo abaphethwe yindlala.
  1. Ukuletha imfundo yamabanga aphansi kawonke wonke
    • Zizoqinisekisa ukuthi bonke abafana kanye namantombazane bayaziqeda izifundo zamabanga aphansi.
    • Ukwandiswa kokubhaliswa ezikoleni kumele kuhambisane nemizamo yokuthi zonke izingane zihlale esikoleni futhi zithole izinga eliphezulu lemfundo.
  1. Ukuqhubekisa ukulingana ngokobulili kanye nokunika amandla abesifazane
    • Zizokuqeda ukwehlukana ngenxa yobulili emfundweni yamabanga aphansi kanye naphezulu okungenani ngonyaka ka-2005, bese kuba kuwo onke amazinga ngo-2015.
  1. Ukwehlisa ukufa kwezingane
    • Zizokwehlisa izinga lokufa kwezingane ezineminyaka engaphansi kwemihlanu ngokubili kokuthathu 2/3.
  1. Ukwenza ngcono impilo yabesifazane
    • Zizokwehlisa izinga lokufa kwabesifazane ngokuthathu kokune ¾.
  1. Ukulwa ne- HIV/AIDS, umalaleveva kanye nezinye izifo
    • Zizovimba futhi ziqale ukukuhlehlisa ukubhebhetheka kwe- HIV/AIDS.
    • Zizovimba futhi ziqale ukuzihlehlisa izigameko zikamalaleveva kanye nezezinye izifo.
  1. Ukuqinisekisa ukuthi imvelo isimeme
    • Zizohlanganisa imigomo yentuthuko esimeme kwinqubomigomo kanye nasezinhlelweni zamazwe; ukuhlehlisa ukulahleka kwezinsizakalo zemvelo.
    • Zizokwehlisa ngesigamu inani labantu abangafinyeleli emanzini aphephile okuphuza (ukuze uthole ulwazi olungaphezulu bheka lapho kubhalwe khona ngokulethwa kwamanzi).
    • Zizoletha ubungcono obukhulu empilweni yabantu abahlala emijondolo, okungenani abayikhulu lezigidi -100 million ngonyaka ka 2020.
  1. Ukusungula uhlelo lwentuthuko ngokubambisana lomhlaba
    • Zizosungula uhlelo oluvulekile lokuhweba kanye nolwezezimali olusekelwe yimithetho, ongaluqagela ukuthi luqhuba kanjani futhi olungabandlululi. Kuhlanganisa nasekuzinikeleni ukubuseni ngobuqotho, entuthukweni kanye nasekwehliseni ubuphofu-esizweni kanye nasezizweni ngezizwe.
    • Zizobhekelela izidingo ezikhethiwe zalawo mazwe angakathuthuki. Lokho kuhlanganisa intela –kanye nokungabi bikho kwesilinganiso-sokuthunyelwa kwezimpahla zawo kwamanye amazwe; ukwehliswa komthwalo wezikweleti okubonakalayo kulawo mazwe ampofu futhi akweleta kakhulu; ukunqanyulwa ngokomthetho izikweletu zamazwe amabili; kanye nosizo olubanzi lokuthuthukiswa ngokomthetho lwamazwe azimisele ukwehlisa ubuphofu.
    • Zizobhekelela izidingo ezikhethiwe zalawo mazwe azungezwe wulwandle kanye nalawo ayiziqhingi ezincane ezisathuthuka.
    • Zizobhekelela ngokuphelele izinkinga zezikweletu kulawo mazwe kusetshenziswa izinyathelo zesizwe kanye nezezizwe ngezizwe ukwenza izikweletu zisimame.
    • Zizobambisana namazwe athuthukayo, kusungulwe imisebenzi yentsha enenzuzo futhi ekhuthazayo.
    • Zizobambisana nezinkampani ezakha imithi, zenze amazwe asathuthuka afinyelele emithini esemqoka.

Top